شريكي - Chriki

@ak7l61★عضو مؤسس❯كاتب دليل·منذ 23 يوماًجوهري

مشكلتك ماشي في التحقق، مشكلتك أن التحقق مهمتك أنت، عندك 40 سائق يبثوا موقعهم مباشرة، ومسارات الـGPS تاعهم هي بحد ذاتها بيانات الخطوط، أنت ركبت في الحافلات باش تجمع معلومة تقدر تليفوناتهم تجمعها وحدها. اللي نقترحو انك تسجّل نقاط الـGPS الخام، اسقطها على الطرق بـ Map Matching (Valhalla Meili أو OSRM match)، جمّع الرحلات المتكررة باش يطلع شكل الخط، واستنتج المحطات من زمن التوقف، يعني النقاط اللي السرعة فيها قريبة للصفر لمدة نصف دقيقة وتتكرر في نفس المكان عبر رحلات كثيرة، حتى التواتر تحسبو من الفارق بين مرور الحافلات، مكتبة gps2gtfs بالبايثون تدير جزء كبير من هذا. هكذا الولاية الجديدة تولي 5 سواقين يخدموا عادي أسبوع، والخطوط تتولد وحدها، وأنت تراجع على الخريطة بدل ما تركب كل رحلة، الخدمة اليدوية الوحيدة اللي تستاهل وقتك هي تجنيد السواقين، وهذي بروحها تحلها بنظام إحالة بين السواقين نفسهم. ونفس نظام الإحالة اللي جابلك 2.7 ألف مستخدم يقدر يخدمك حتى من ناحية البيانات مثال: الراكب يسجل رحلة ويربح رصيد تتبع، وكي يكون قريب من محطة غير مؤكدة تسألو بنقرة وحدة "الحافلة توقف هنا؟". أما جواب سؤالك مباشرة، التوتر بين السرعة والدقة كاين لأنك تنشر الخط على أنه صحيح 100%، بدلها بمستويات ثقة تبان للمستخدم مثال: ( مؤكد بشرياً، مولّد أوتوماتيكياً، مبلّغ من المجتمع )، المستخدم يختار بنفسه والخطأ يولي إشارة لتحسين البيانات مش فضيحة، وهذا يحلك مشكلة مخفيةو اللي هي انه الخطوط اللي تفقدتها قبل ممكن تبدلت وما عندكش حتى طريقة تعرف. وآخر حاجة، كي تجمع البيانات في صيغة GTFS تقدر تقدمها لقوقل ماب وTransitland،باش توزعها أوسع من تطبيقك وحدو، واللي رح تعطيك مصداقية تخليك تتكلم مع مديريات النقل كطرف جدي. بالتوفيق.